Covid-19: Londra regjistron zero vdekje ditore për herë të parë në gjashtë muaj

Londra ka regjistruar zero vdekje ditore nga Covid-19 në një ditë të vetme për herë të parë në më tepër se gjashtë muaj, sipas të dhënave zyrtare. Statistikat e Shëndetit Publik të Anglisë nga e diela nuk treguan viktima brenda 28 ditëve nga një test pozitiv kundër Covid-19 në kryeqytetin e Britanisë së Madhe, ndërsa vendi në tërësi regjistroi 19 vdekje.

Regjistrimi i fundit ditor i vdekjeve zero në kryeqytet ishte më 14 shtator përpara se një valë e dytë e pandemisë së koronavirusit të godiste Britaninë. Të dhënat për vdekjet nga Covid-19 janë zakonisht më të ulëta të hënën për shkak të një vonese në autoritetet, që raportojnë shifrat gjatë fundjavës, por statistikat e fundit do të shihen si një shenjë pozitive duke pasur parasysh që rajoni po regjistronte më tepër se 200 vdekje të përditshme në janar.

London

Lajmi vjen ndërsa masa në Angli për "qëndrim në shtëpi" u hoq të hënën dhe kufizimet e Covid-19 u lehtësuan duke lejuar, që dy familje ose grupe me deri në gjashtë persona të takoheshin në publik. Vendi ka qenë në bllokim të plotë kombëtar, që nga 4 janari, pasi u zbulua një variant i ri, më i transmetueshëm i koronavirusit në Anglinë juglindore. Aktivitetet e jashtme sportive si tenisi, pishina dhe golfi janë lejuar të rihapen dhe sportet e organizuara në natyrë me një numër të pakufizuar personash gjithashtu. Dasmat nuk janë më të kufizuara në rrethana të jashtëzakonshme, por lejohen vetëm maksimumi gjashtë pjesëmarrës.

"E di se sa njerëz kanë humbur aktivitetet sociale dhe garën e sportit të organizuar dhe sa e vështirë ka qenë të kufizosh aktivitetet fizike, veçanërisht për fëmijët", deklaroi Kryeministri britanik Boris Johnson. "E di që shumë do të mirëpresin rritjen e kontakteve shoqërore, me grupe prej 6 ose dy personash tani gjithashtu në gjendje të takohen në natyrë", theksoi ai. Britania e Madhe ka numrin më të lartë të vdekjeve nga Covid-19 në Evropë, me më tepër se 126,000 viktima, sipas një regjistrimi të Universitetit Johns Hopkins. Shumë biznese mbeten të mbyllura, njerëzit ende inkurajohen të punojnë nga banesat, ku është e mundur dhe udhëtimet jashtë vendit janë akoma të ndaluara.

London