Covid-19: Arrestohet një burrë pasi infektoi 22 persona në Majorka.

Një burrë është arrestuar në Spanjë nën dyshimin për sulm pasi dyshohet se ka infektuar 22 persona me Covid. 40-vjeçari pretendohet të ketë vazhduar të shkojë në punë dhe palestër pavarësisht se kishte një kollë dhe një temperaturë më shumë se 40C (104F)Thuhet se ai kishte ecur rreth vendit të tij të punës në Majorka, duke tërhequr maskën, duke kollitur dhe duke u thënë kolegëve se do t'i infektonte. Pesë kolegë dhe tre shokë të tjerë të palestrës më vonë dolën pozitiv. Edhe 14 persona të tjerë anëtarë të familjes së të infektuarve  gjithashtu dolën me Covid, duke përfshirë tre fëmijë njëvjeçar.

Majorka

Në një deklaratë të lëshuar të Shtunën, policia Spanjolle tha se burri kishte shfaqur simptoma për disa ditë, por refuzoi të shkonte në shtëpi nga puna në qytetin e Manacor. Ai bëri një provë PCR një mbrëmje, por më pas shkoi në punë dhe palestër ditën tjetër ndërsa ishte në pritje të rezultateve. Kolegët e tij i thanë të shkonte në shtëpi, por ai nuk pranoi, tha policia.  Ai pastaj tërhiqte maskën, kollitej dhe thoshte: "Unë do t'ju infektoj të gjithë me koronavirus". Kur prova e tij u kthye pozitive, kolegët u "alarmuan", sipas policisë, e cila ka hetuar pretendimet që nga fundi i janarit.Askush nga njerëzit nuk u sëmur rëndë, tha policia.