Rama nënshkruan marrëveshjen për projektin e gazit në Shqipëri

Kryeministri Edi Rama ishte i pranishëm këtë të Enjte, në Fier në stacionin ultramodern të Gazsjellësit Trans-Adriatik. Ai mori pjesë në nënshkrimin e marrëveshjes për ndërtimin e pikës fillestare të Daljes së Gazit në Shqipëri. Kreu i qeverisë në fjalimin e tij u shpreh se ky është një nga projektet më të rëndësishme për të shndërruar vendin në një hapësirë të burimeve të ndryshme të prodhimit të energjisë. Ndër të tjera, ai theksoi se TAP është një burim i besueshëm për zhvillimin ekonomik dhe shoqëror të vendit tonë.

Edi Rama

"Sot është një nga stacionet e shumta të një udhëtimi, që do ta kthejë vendin në një eksportues neto të energjisë. Dhe në të njëjtën kohë do ta bëj atë një hapësirë të burimeve të ndryshme të prodhimit të energjisë duke prezantuar më në fund dhe një tjetër përbërës të ekonomisë së vendit dhe rrjedha shoqërore siç është gazi. Ne jemi të sigurtë se tani është vetëm çështje e vullnetit, punës së palodhur dhe durimit të madh për të përmbushur një vizion, që nuk është më një dëshirë ose aspiratë e bazuar në një ëndërr, por një horizont i arritshëm mbi një bazë të vendosur”, deklaroi Edi Rama.

“Edhe procesi i nisur i ndërveprimit për të siguruar bashkëpunim të vazhdueshëm me kompanitë e mëdha amerikane është një tregues i faktit se TAP nuk është thjesht një mënyrë për kalimin e gazit në anën tjetër të Adriatikut, por një zhvillim transformues i dekadës, ku ne jetojmë. Shpreh konsideratën më të lartë për të gjithë ata, të cilët janë të përfshirë në këtë projekt dhe mbi të gjitha shqiptarët, të cilët janë pjesë e këtij projekti”, shtoi ai.